03-09-2010
 | | Expression | | Chronique de Vanf | | Idées et débats | | Courrier des lecteurs |
| MALAGASY
Anatihazo |
Lehilahy nodorana tamin'ny asidra |
|
Nivotsobotsotra toy ireny main'ny afo ireny ny hoditr'ilay lehilahy nodoran'ny olona tamin'ny asidra teny Anatihazo Isotry, omaly alina. Nanomboka teny amin'ny tarehiny, ny kibony ary ny tongony. Tsy tra-bonjy intsony, araka izany, tany amin'ny hopitaly ny lehilahy fa dia namoy ny ainy teo no ho eo.
Raha ny fanazavan'ny sakaizany, izay tonga nijery ny razana teny amin'ny hopitaly vao maraina, dia tratry ny fokonolona teo am-pamakiana tranon'olona teny an-toerana izy io, ka niharan'ny hatezeram-bahoaka. « Ny namany niaraka taminy, izay tafatsoaka, no nilaza izany tamiko », hoy izy nitsotra. Naboridan'ny fokonolona aloha ity lehilahy ity, vao notondrahany asidra avy eo.
Manambady, saingy efa nisaraka moa ity lehilahy ity. Ary dia tany amin'ny sakaizany izy no nandeha. Ireo fokonolona teny an-toerana ihany nony avy eo, no nanatitra ny razana tany amin'ny hopitaly.
Araka ny fokonolona teny an-toerana, eny Anatihazo Isotry, dia noho ny firongatry ny hala-botry sy ny vaky trano mila ho isan'alina, miseho amin'iny faritra iny, no tena mahatofoka azy ireo. « Manjaka mihitsy ny asan-jiolahy ety aminay, ka izany no mampasiaka ny fokonolona raha mahatratra azy ireny », hoy ireo fokonolona, hentitra.
|
Nirina Rakotoson
Date : 16-12-2009 |
|
|
|
Statistique |
Vous êtes le 8100ème visiteur du jour.
Il y a en ce moment 214 visiteurs en ligne.
|
|
|
- Envoyer cet article à un ami
- Imprimer cet article
