03-09-2010
 | | Expression | | Chronique de Vanf | | Idées et débats | | Courrier des lecteurs |
| MALAGASY
Antanimena |
Lehilahy nodonin’ny fiara |
|
Torana tsy nahatsiaro tena ilay lehilahy nodonin’ny fiara « Peugeot 309 » tao Antanimena, omaly hariva. Tao ambanin’ilay fiara mihitsy mantsy izy no nosokirina. Ny fokonolona teo an-toerana izay nahita ny loza, no nihazakazaka namonjy sy nanavotra azy. Ny tongony, raha ny fanazavan’ireo nanatri-maso, no tena voa.
« Handeha hiampita ny arabe indrindra izy tamin’io fotoana io. Asa raha tsy hitany ilay fiara nisosa avy tany Ankorondrano tany ka handeha hiakatra ho any Antanimena, fa dia voadona teo izy », hoy ity tovolahy iray nitantara ny zava-niseho. Soa ihany, raha ny fanazavan’ireo nanatri-maso, fa tsy nandeha mafy loatra ity fiara nandona azy ity ; raha tsy izany dia saika zava-doza no niseho.
Matetika mihitsy no itrangan-dozam-pifamoivoizana toy izao eo amin’ity toerana ity. Nanterin’ ireo fokonolona fa mazàna dia ny fandehanan’ny fiara mafy no mahatonga ny loza, satria sady tsara no malalaka ny arabe. Araka izany, dia mangataka ny hasiana an’ireny tsipika fotsy natokana hiampitàn’ny mpandeha an-tongotra ireny ireo mponina eo an-toerana. Any amin’ny hopitaly amin’izao fotoana izao ilay naratra.
|
Nirina Rakotoson
Date : 07-11-2009 |
|
|
|
Statistique |
Vous êtes le 8463ème visiteur du jour.
Il y a en ce moment 441 visiteurs en ligne.
|
|
|
- Envoyer cet article à un ami
- Imprimer cet article
