Renibe 98 taona mbola manjaitra (Fiarahamonina) - actualités en direct avec l'Express de Madagascar

Fiarahamonina

Renibe 98 taona mbola manjaitra

Mbola mahavita manjaitra ankanjo sy ondana Razanabony Marie Louise na dia efa 98 taona aza (Sary Mamy Mael)

Vao nandray ny faha-98 taonany Razanabony Marie Louise monina eny Anosisoa Ambohimanarina. Mbola mahavita manjaitra ankanjo sy ondana izy amin’izany.

Mbola matanjaka tsara Razanabony Marie Louise, 98 taona, antsoina hoe bebe Bony. Sivy mianadahy ny zanany, 30 ny zafikeliny, 46 kosa ny zafiafiny ary roa ny zafindohaliny. Tsy araka ny mahabe taona azy ny zava-bitany. Mbola manao ny raharaha rehetra ao an-tokantrano sy zavamaro hafa izy. Isan’izany ny fikosehana sy ny fampirimana ny tranony, ny fanjairana ankanjo sy ondana, ary ny fanasana lamba. Mamonjy fotoam-bavaka tsy tapaka isaky ny alahady sy manao « pélerinage » manerana ny faritany. Feran’ireo taranany tsy hanao zavatra mety handreraka azy anefa izy.
« Fanjairana ankanjo sy ondana sisa no analako andro ao aorian’ny fampiriman-trano isa-maraina fa tsy avelan’ireo zanako manao zava-kafa intsony aho. Amin’ny tànana no hanaovako izany ary ireo zanako na zafikeliko no mampiditra ny kofehy amin’ny fanjaitra hanjairako », hoy bebe Bony. « Mbola tena matanjaka sy mahavita zavatra maro tokoa izy fa tsy avelanay manao izany intsony. Efa betsaka izay vitany izay ka aleo mba anjaranay indray ny sisa mba hamalianay babena azy », hoy Ravaoarisoa Emilienne, zanany vavy.
Vontom-pinoana
Honjohonjon'i bebe Bony samirery ny fiainany sy ireo ankohonany satria maty tanora ny vadiny. « Raha tsy nanankim-po tamin’Andriamanitra aho tsy ho toy izao izahay sy ny taranako. Maty tamin’ny 1936 ny vadiko ka fanasan-damba no namelomako ireo zanako. Vao ny lahimatoako irery no nandeha nanambady tamin’izany », hoy bebe Bony nitantara ny fiainany.
« Ny fahitany ireo taranany vory sy ny famangian’izy ireo azy no tena zavatra mahafinaritra azy indrindra. Ny fahatsiarovana ny fahafatesan’ny zanany vaviaivo tampoka sy ny tsy fahitana popoka ilay lahiaivo kosa no tena nampalahelo azy indrindra », hoy ihany Ravaoarisoa Emilienne.
Ny tabataba sy ny fifamaliana no tena tsy zakany. Tsy mba mparary bebe Bony. « Lavorary ny fiainana rehefa mahay mitondra tena sy mifanaraka tsara ary mandefitra eo amin’ny fiaraha-monina. Ankoatr’izay, ny fanankinana ny fiainana amin’Andriamanitra », hoy ny hafatra apetrak’ity renim-pianakaviana tratra antitra ity.

Volana Rakotoharimanana

Mardi 14 fevrier 2012

Envoyer à un ami

Imprimer

Réagissez

L'Express se réserve de publier ou pas vos réactions.

Commentaire : *

3000 caractères restants

M'alerter lors de la publication de mon commentaire

Presse
Code de déontologie des publications de L'Express de Madagascar

Puisque la liberté de la presse découle de deux droits humains fondamentaux, la liberté d’expression et le droit à l’information, elle nous donne des droits. Droits que nous ne saurons séparer des devoirs et responsabilités inhérents à la profession du journaliste. Le respect des droits d’autrui, les valeurs démocratiques, l’ordre public et le bien-être général sont les seules limites que nous nous imposons. Le code de déontologie du Groupe L’Express de Madagascar que nous présentons aujourd’hui, à l’occasion de la Journée mondiale de la liberté de la presse, définit les grandes lignes des principes que nous nous efforçons de respecter dans l’exercice de notre métier.

Mon adresse e-mail :
	Adresse email incorrect
Mon prénom et mon nom :
	Remplir votre nom et prénom
L'adresse e-mail de mon ami(e) :
	Adresse email incorrect
Commentaire pour mon ami(e) :

Mail envoyé avec succès.

PresseCode de déontologie des publications de L'Express de Madagascar

Presse
Code de déontologie des publications de L'Express de Madagascar